00:13
03/29/2024
Այսօր 7...2
am en ru

Նորություններ
Կարևորը երկրում խաղաղություն տիրի

2013-02-05 13:49

 

«Դե Ֆակտո» N80

Մայիս Միրզոյան

 ՀՀ Սյունիքի մարզի Դարբաս համայնքի ղեկավար

-Պարո՛ն Միրզոյան, ամփոփելով 2012 թ. ինչպե՞ս կգնահատեք այն, հաջո՞ղ տարի էր:

-Այո՛, տարին հաջող էր: Ես` որպես արցախյան ազատամարտի մասնակից և հայկական բանակի երկար տարիների զինծառայող սպա, փոխգնդապետ, կարևորում եմ խաղաղության առկայությունը երկրում:

-Ի՞նչ խնդիրներ են Ձեզ հաջողվել լուծել Ձեր պաշտոնավարման ընթացքում:

-2012 թվականի նոյեմբերի 23-ին վերստանձնելով համայնքի ղեկավարի իմ նորընտիր պաշտոնը` այս կարճ ժամանակահատվածում մասամբ վերականգնել եմ համայնքի խմելու ջրի ջրագիծը: Ունեմ բազմաթիվ ծրագրեր առաջիկա չորս տարիների ընթացքում գյուղի զարգացմանն ու բարգավաճմանն ուղղված:

-Ի՞նչ խնդիրներով են Ձեզ դիմում համագյուղացիներն առավել հաճախ:

-Գյուղացիներն առավել հաճախ դիմում են բարձրորակ սերմերի ու բարձր մթերատու անասունների ձեռքբերման և ստացված բանջարաբոստանային կուլտուրաների իրացման խնդիրներով: Դիմում են նաև քարտեզագրման ճշտման, ճանապարհների ասֆալտապատման, միջավայրի մաքրության հարցերով:

-Ինչո՞վ է հիմնականում զբաղվում համայնքի բնակչությունը, գյուղատնտեսության ո՞ր ճյուղերն են զարգացած:

-Դարբաս համայնքի բնակչությունը զբաղվում է գյուղատնտեսությամբ և գյուղացիական մթերքների մշակությամբ: Զարգացած են բուսաբուծությունը, պտղաբուծությունը և անասնապահությունը: Համայնքում գործում է ՙՇամբ բիզնես՚ պահածոների արտադրամասը, որտեղ վերամշակվում են համայնքի պտուղ և բանջարաբոստանային կուլտուրաները:

-Ջրի խնդիրը լուծվա՞ծ է համայնքում:

-Ջրի խնդիրը Դարբասում լուծված է մասամբ: Համայնքի տնտեսությունների 90%-ն ապահովված է խմելու ջրով: Աշխատանքներ պետք է տարվեն խմելու ջրի կուտակման ամբարների կառուցման, վթարների վերացման, ջրագծիª կոռոզիայի ենթարկված հատվածների վերանորոգման և բնակչությանը մաքուր ջուր հասցնելու ուղղությամբ:

-Եթե համայնքի բյուջեն հնարավորություն տար, առաջին երեք ծրագրերը, որո՞նք են, որ կշտապեիք իրականացնել:

-Ֆինանսական հնարավորության դեպքում կկառուցենք խմելու ջրի ջրատարը, համայնքում կկազմակերպենք աղբահանություն, կկարգավորենք միջհամայնքային ճանապարհները և գյուղապետարանի համար ձեռք կբերենք վարչական շենք:

Հարցազրույցը՝  Սուսաննա Թամազյանի



Վերադառնալ








Խմբագրական
СЕДА ГАСПАРЯН

2020-12-31 13:59

Главный редактор общественно-политического журнала...

Ավելի


Պահոց
ՍԵԴԱ ԳԱՍՊԱՐՅԱՆ

2020-01-08 11:18
ՍԵԴԱ ԳԱՍՊԱՐՅԱՆ «Դե Ֆակտո» ամսագրի գլխավոր խմբագրի պաշտոնակատար...