2014-09-09 15:05
«Դե Ֆակտո» N 99 (2014թ.)
Հարգելի՛ պարոն Շատվորյան
Ինձ պարոն Նիկոլաս Թավիթյանը տեղեկացրել է, որ Ուկրիանայի հայերի միությունը ցանկանում է կանոնավոր կերպով աշխատել Եվրամիության հետ, և Դուք շուտով այցելելու եք եվրոպական հաստատություններ։
Միայն կարող եմ ողջունել ԵՄ մակարդակով աշխատելու Ձեր հետաքրքրվածությունը, և կարծում եմ, որ դա կարող է նպաստել Ձեր երկրի և Եվրամիության միջև կապերի ամրացմանը, Ձեր աշխատանքին, ինչպես նաև Ուկրաինայում հասարակական ու քաղաքական բարեփոխումներին։ Ինչպես գիտեք, ես երկար տարիներ բարձրացրել եմ հայկական հարցը Ֆրանսիայում։ Հատկապես կարևոր է այն կազմակերպությունների զարգացումը, որոնք խթանում են հայկական մշակույթն ու կրթությունը, ինչպես նաև աջակցում են փոքրամասնությունների իրավունքների պաշտպանությանը։ Ուկրաինայում, ինչպես և այլ տեղերում, եվրոպական մակարդակով փոխանակումների մասնակցելը կարևոր է այս տեսանկյունից։
Ես վերջերս Ուկրաինայում մասնակցում էի Չերնոբիլի աղետից տուժածների համար ստեղծված կենտրոնի բացմանը։ Տեղյակ կլինեք, որ ես հատկապես մտահոգված եմ հասարակության առողջության և շրջակա միջավայրի հարցերով։
Այսպիսով, ես անհամբեր սպասում եմ հնարավորության` մոտ ապագայում Ձեզ հետ քննարկելու փոխադարձ հետաքրքրության այս հարցերը։ Ուրախ կլինեմ հանդիպել Ձեզ։ Նշեմ, որ Ձեր այցի ընթացքում ես կլինեմ Բրյուսելում և սպասում եմ այդ հնարավորությանը։
Հարգանքներով`
Միշել Ռիվասի
Եվրոպական խորհրդարանի անդամ
Վերադառնալ