«Դե Ֆակտո» N101 (2014թ.)

Սամվել Խմելյան, ոստիկանության գնդապետ

Արմեն Բունիաթյանին ճանաչում եմ շուրջ 30 տարի և այս տարիների ընթացքում իրեն գնահատում եմ որպես արժանապատիվ, գիտակից, ազգային արժեքներ ճանաչող, հայրենասեր մարդ։

Նրա անելիքը, գործը հենց բարիք ստեղծելն է, դրա համար էլ նրա խիղճը միշտ մաքուր է։

Արմենին կարելի է անվերապահորեն վստահել, քանզի նա օրինակելի ընկեր է, հոգատար ամուսին ու հայր է, իր իսկ ժողովրդին անմնացորդ նվիրված քաղաքացի։ Ոչ մի ժամանակ և իրականություն, հասարակարգ ու կացութաձև չի կարող նրան փոխել, որովհետև նրա գործն արդար է, նա իր էությամբ Աստծո կողմից պահված և արդար անձնավորություն է։ Չնայած մերօրյա դժվարություններին` նա հավատարմագրվել է իր սկզբունքներին և անմնացորդ եռանդով ու նվիրումով կատարում է իր աշխատանքը։

Արմեն Բունիաթյանին մաղթում եմ քաջառողջություն, երկար տարիների կյանք,  անամպ երջանկություն, թող միշտ փնտրի բարին ու գտնի։