2013-05-23 11:55
«Դե Ֆակտո» 11 (2007թ.)
Ի՞նչ է քաղաքականությունը։
-Քաղաքականությունը ինձ համար ո՛չ դրական և ո՛չ բացասական երևույթ է։ Այն վաղուց ապացուցել է իր գոյության իրավունքը և ապրում է, անկախ նրանից մարդիկ դրական գնահատական կտան, թե բացասական։ Քաղաքականությունը և՛ արվեստ է և՛ գիտություն, բարոյականություն և, միարժամանակ, անբարոյականություն, աշխարհայացք, հոգու պարապություն, արկածախնդրություն։
Ունե՞ք սիրած քաղաքական գործիչ։
-Կան քաղաքական գործիչներ, որոնց հանդեպ ունեմ անձնական համակրանք, օրինակ Գագիկը Ծառուկյանը, Դավիթ Հակոբյանը, Պարույր Հայրիկյանը։
Ունե՞ք սիրած քաղաքական կուսակցություն։
-Մի ժամանակ համակրանք ունեի դաշնակցության նկատմամբ։ Կուսակցության մեջ ինձ համար կարևորը այն է, որ նրանք կրող լինեն ինչ-որ գաղափարներ։ Այսօր կուսակցությունների մոտ տեսնում եմ զուտ շահերի պաշտպանություն, իշխանություն, հարստություն և այլն։ Դրա համար ոչ մի կուսակցություն ինձ համար համակրելի չէ։
Քաղաքական որևէ պաշտոնում Ձեզ պատկերեցնում ե՞ք։
-Ինձ ցանկացած պաշտոնում պատկերացնում եմ, բայց եթե աստիճանաբար զարգացում ապրեմ։
Ձեր առաջին երեք քայլերը որո՞նք կլինեն։
-Առաջին քայլս կլիներ օրենքի իշխանությունը, երկրորդը՝ կզարգացնեի արվեստն ու գիտությունը, և երրորդը՝ անիմաստ մասնավորեցված պետական հաստատություն- ները կվերադարձնեի պետությանը։
Վերադառնալ